AZAL təyyarəsinin Aktau limanı yaxınlığında qəzaya uğraması ilə bağlı “Rosaviasiya” məlumat yayıb.

BUTA.TV xəbər verir ki, qurum ilkin məlumata görə, quşlarla toqquşduqdan sonra təyyarənin kapitanının Aktaudakı alternativ aerodroma uçmaq qərarına gəldiyini bildirib.

“Quşla toqquşduqdan sonra təyyarənin göyərtəsində yaranmış fövqəladə vəziyyət səbəbindən komandir alternativ aerodroma uçmaq qərarına gəlib və Aktaunu seçib”, - məlumatda bildirilib.

Qeyd edək ki, Bakıdan Qroznıya uçan AZAl-a məxsus təyyarə duman səbəbindən hava limanına enə bilməyib. İlkin məlumatda bildirilirdi ki, əvvəlcə təyyarə Mahaçqalaya, daha sonra Aktauya yönləndirilib. Təyyarə Xəzər dənizi üzərində quş sürüsü ilə toqquşub və SOS siqnalı verib, Aktau limanının 3 km-liyində isə qəzaya uğrayıb.

Qazaxıstan Fövqəladə Hallar Nazirliyinin yaydığı son məlumata görə, 28 nəfər qəzadan sağ çıxarılaraq, xəstəxanalara yerləşdirilib. Yaralılardan 7 nəfərinin vəziyyəti ağırdır.

• Mehriban Əliyevanın Vatikana səfəri ilə bağlı paylaşım
• Xəzərin dibi ilə fiber-optik rabitə xətlərinin çəkilməsi... - Prezident
• Təəssüf ki, o vaxtdan bəri vəziyyət daha da pisləşib...
• Kilsə ilə savaş: Paşinyanın planı budur
• Xudafərin körpüsünün işğaldan azad olunmasından 5 il ötür
• Bakıda ikinci Katolik Kilsəsi tikiləcək - Mehriban Əliyeva
• Ramiz Mehdiyevin kürəkəninin bahalı avtomobilləri - Foto
• Ramiz Mehdiyevin ailə üzvlərinin ölkədən çıxışına məhdudiyyət...